ترنم ها

آمما ووروب الله منی سن وورماغا گلمز 

نازیکدی خیالیم گؤزلیم اینه ساپیندان

خوش گلمه سه ده خاطیرینه قیرماغا گلمز

منده بیر اورک وار ائله بیل گوزگودو گوزگو 

گوزگو نه قَدر توزلانا سیندیرماغا گلمز

سندن سورا آغ صفحه آچیلمیشدی گوزومده 

گوزلر واراقی ایسلانادا جیرماغا گلمز

رساملیقیمی چوخ بَیَنَن وار واراق اوسته

آلنین یازیسی حیف اولا خط وئرماغا گلمز

شاید منی گورمک سنه ده عار گلیر آمما 

بیر سوز کی اورک سیندیرا قیشقیرماغا گلمز

حسین قلیزاده