آسلاديم عكسون دووارا
 
آسلاديم ايسراقا گون قاب آرا عكسون ؛ دووارا

قيش ائويندن ائله بيل پنجره آچديم باهارا

سن دوواردا ديري سن!! من ائو ايچينده اؤلويم!!

گل منيم عمرومي آل عكسيم اُؤتورسون دووارا

بو تَر احساسيمي گل گؤزله گيلن يازلي آنام

قورخورام قيش بَليه غنچه گولون بيرده قارا

باغلادون پنجره ني غنچه تؤكن خاطيريمه

سؤلدوم آنجاق يئل اَلينده ؛ خزل اولدوم حاصارا

سنه خاطیر بو فنا دهری اياقدان سالدیم

اؤ قدر يول يئريديم يول سينه سي اؤلدي يارا

بير ايشقلانگيلان اي آي بو قارانليق گئجه ده

تنگه لرده یؤلی قؤيما قالا سَنسيز ؛ آوارا

تا بهشت ایچره مَلَک لر منه لای لای دیه لر

دئمیشم لای لایووی ضبط ائلیوبلر ناوارا

بیر قانادسیز بولودا اؤخشیارام ؛ آغلایالی

سؤورم قانلی گوزوم آخشام ائوینده قیزارا

گوزلريم سئللي گزر آی گؤزَليم اِئل ؛ اؤباني

قؤرخارام سئل سارامي مندن آلوب ؛ تِئز آپارا

 

حسین قلی زاده برندق