حسین قلی زاده برندق: سولماز اوره گیم
سولما اوره گیم
پاییز قلمی هئچ گولو سولماز چکه بیلمز
سولما اوره گیم سولمیش اورک ناز چکه بیلمز
دوزدوم غمه ، بیلدیم یازیلار آیری دیر آیری
بیرگون هیرووون شاختاسین اهواز چکه بیلمه ز
چک زخمه لرین سینه مه قوی سیزلاسین عشقیم
غم زخمه سینین دردینی هر ساز چکه بیلمه ز
آغلا آرازیم گوی خزرین ساغری دولسون
یوخسا گوزونین جورونو قفقاز چکه بیلمه ز
زلفین داریییردی دونن آخشام یئل الینده
بیلدیم نازینی تانری دا هئچ آز چکه بیلمز
بولبول اورگی آیری طَحَر گول سئور عشقیم
بولبول چکه نی هر دلی شاهباز چکه بیلمه ز
حسین قلی زاده ها برندق
+ نوشته شده در دوشنبه بیست و نهم خرداد ۱۳۹۶ ساعت 4:30 توسط javad
|
