یؤرولموشام کیشیلیک دن
 
نفس نفس سولورام ؛ سن سیزم ؛ داریخمالی یام
بولاق کیمی سورونوپ ؛ یاز گوزوندن آخمالی یام

یولا اولوم چیله نیب توز قونوپ دور آستانایا

بو توزقون آستانادان خاطیراته باخمالی یام

 

یؤرولموشام کیشیلیک دن ؛ چیغیرماق ایستیورم

اوشاق کیمی اوزومو توپراقا بوراخمالی یام

 

یوخو شیرین اولار اما اونو ایتیرمَه لی یم

بو یاشلی گوزلریمی در- دوواره تاخمالی یام

 

گل ای گوزل ؛ دوداغین رنگینی قلم گؤتوسون

آلیز1 حیاتیمه من تازه رنگی یاخمالی یام

آلیز: رنگ باخته - کمرنگ

 

حسین قلی زاده برندق